Пред точно 39 години на стадионот „Артемио Франки“ во Фиренца се случи инцидент кој уште се прераскажува. Играа Фиорентина и Џенова, кога во еден момент на терено се судрија домашниот фудбалер Џанкарло Антонини и гостинскиот голман Силвано Мартин.
Антонини беше во напад, кога Мартин со нога удри директно во главата на противникот. Играчот на Фиорентина остана да лежи неподвижен на теренот, а неколку секунди подоцна му застана и срцето.
Некои од играчите веќе почнаа да плачат и да жалат за трагедијата која се случи, а капитенот на Џенова Клаудио Онофри, почна да вика дека Антонини умре.
Меѓутоа, тогаш се случи чудо. Докторите на двата тима веднап втрчаа на теренот и му дадоа прва помош на повредениот играч. Успеаа да го реанимираат и срцето на Антонини почна повторно да чука. Подоцна, играчот беше однесен во болница и му беше направена операција на главата.
Антонини успеа целосно да закрепне по оваа повреда, па дури беше и дел од репрезентацијата на Италија која на Светското првенство во 1982 година стигна до златниот медал на Мундијалот.
