Новак Ѓоковиќ обезбеди пласман во полуфиналето на Отвореното првенство на Австралија, но не затоа што беше подобар од Лоренцо Музети, туку само затоа што Италијанецот се повреди и мечот мораше да се прекине.
Музети беше многу подобар на теренот во првите два сета, кои ги доби со 6-4 и 6-3. Ѓоковиќ беше пред елиминација, но Италијанецот на почетокот од третиот се пожали на повреда на бутниот мускул и побара медицински тајмаут. Иако Музети се врати на теренот и го продолжи мечот, сепак Србинот доминираше и стигна до водство од 3-1, а Италијанецот не можеше да го следи ритамот поради повредата.
Конечната одлука беше да го предаде натпреварот на кој имаше водство од 2-0. Музети има само една победа над Новак Ѓоковиќ во 11-те натпревари, а вторпат го предава мечот против српскиот тенисер.
Medical time out for Lorenzo Musetti
Treatment on the right quad / thigh area
Novak Djokovic to serve next at 2-1 up in set 3 pic.twitter.com/HSjWIFQ0af
— edgeAI (@edgeAIapp) January 28, 2026
Ова е втор меч по ред на кој Србинот поминува во следната рунда без да победи, откако претходно го доби и осминафиналето против Јакуб Меншек поради откажувањето на чешкиот тенисер.
