Новак Ѓоковиќ веќе подолго време се соочува со здравствени проблеми, кои започнаа уште на Вимблдон. Таму, српскиот ас, невообичаено ограничен во движењата, беше елиминиран во полуфиналето од Јаник Синер. Според блиски извори, повредата во пределот на препоните е причината поради која Ѓоковиќ делуваше физички недоволно подготвен за најважните моменти на турнирот.
По Лондон, Новак реши да направи пауза и да се повлече од сите натпреварувања, фокусирајќи се на одмор со своето семејство. Дел од деновите ги мина во Грција, каде што беше фотографиран и снимен во опуштена атмосфера. Но, токму таму се појави и видео кое ги загрижи неговите бројни фанови.
Novak Djokovic's recent practice session🤔
— 💊💊😘🐏 (@NovakAnalysis) August 16, 2025
It looks he still has some issues on his thigh before the US Open?😥(Toronto's tournament direction clarified that he withdrew due to injury↓ )
Again, I have to say, when Zimaglia worked for him solely, Novak never won a title🙄👋 pic.twitter.com/4S8ScaxyYu
На снимката, Ѓоковиќ може да се види за време на тренинг, додека неговиот тренер му прави масажа на повреденото место – пределот на препоните. Неколку моменти подоцна, камерите ја „уловија“ неговата болна гримаса, што дополнително ги поттикна шпекулациите дека повредата е посериозна отколку што првично се мислеше.
За српскиот шампион оваа ситуација е особено чувствителна, бидејќи претстојниот УС Опен во Њујорк е од огромно значење. Ѓоковиќ ќе се обиде да стигне до својот 25-ти грен-слем трофеј, со што би го надминал веќе историскиот рекорд кој го поседува.
Иако од неговиот тим засега нема официјална изјава, надежта останува дека времето за одмор и специјализираните третмани ќе му овозможат на Новак да се појави на теренот физички подготвен. Навивачите со нетрпение го очекуваат неговото враќање, но и со доза загриженост дали повредата би можела да го спречи во походот кон уште една страница од тениската историја.
