Новак Ѓоковиќ води со 2:0 во сетови против Хуберт Хуркач во меч од осминафиналето на Вимблдон. Двата сета беа речиси идентични и се решаваа во тајбрејк, а на два пати Ѓоковиќ беше подобар со по 8:6.
Во првиот сет Хуркач може да жали што не поведе со 1:0, затоа што водеше со 6:3 во тајбрејкот и имаше три сет топки, но не само што не ги искористи, туку Србинот со пет поени во низа стигна до 8:6.
И во вториот сет немаше брејк, а фаворитот имаше голема шанса за тоа. При водство од 4:3, Ѓоковиќ имаше дури четири брејк топки, но не искористи ниту една. Од сите четири, посебно неверојатно е што пропушти Србинот при четвртиот обид да направи брејк.
Ѓоковиќ буквално го имаше поенот во свои раце, требаше само од самата мрежа да погоди во празното поле, но тогаш се случи нешто неверојатно. Србинот го промаши цело поле и топката ја испрати во аут, а дури и да завршеше топчето во поле, ќе го загубеше поенот, затоа што Ѓоковиќ влезе во противничкото поле.
Овој кикс на крајот од сетот не го чинеше Ѓоковиќ, затоа што Србинот повторно во тајбрејк беше подобар со 8:6. По завршување на вториот сет, судијата реши дека е веќе доцна и го прекина мечот, па возбудувањата ќе продолжат утре.
— OvoOno (@OvoOnoX) July 9, 2023
