Најдобриот тенисер во историјата, Новак Ѓоковиќ, со победа од 3-1 над Камерон Нори од Велика Британија дојде до пласман во одминафиналето од САД опен. Србинот дојде до седмата победа на седумте меѓусебни натпревари против британскиот тенисер.
Ова за Ѓоковиќ беше 192-ра победа на тврда подлога и сега е на првата позиција во оваа категорија, откако беше на делба на врвот со Роџер Федерер.
Првиот сет го освои со 6-4, но гледачите се загрижија откако побара медицински тајм-аут и се повлече во соблекувалната за да добие соодветен третман. По враќањето, сервираше за водство од 1-0, но вториот сет го загуби во тај-брејк со 7-4 на поени.
Нори одлично тргна во третиот сет, направи брејк за 1-0, но тоа беше се од него, бидејќи Ѓоковиќ веднаш направи пресврт и го доби сетот со 6-2. Последниот, четврти сет, му припадна на Србинот со 6-3.
Противник на Новак Ѓоковиќ во осминафиналето ќе му биде германскиот тенисер Јан-Ленард Струф.
