Српскиот тенисер Новак Ѓоковиќ беше елиминиран на стартот на турнирот во Доха откако загуби од Матео Беретини со 0-2 во сетови.
Дуелот траеше еден час и 34 минути, а Ѓоковиќ по мечот го пофали својот противник.
„Беретини одигра совршен меч, немам никакви изговори. Неговиот сервис беше прецизен и силен, немав можност да му парирам. Не почувствував никаква болка за време на мечот, едноставно победи подобриот тенисер“, изјави Ѓоковиќ.
