Најуспешниот тенисер на сите времиња, Новак Ѓоковиќ, се наоѓа во резултатска криза, првпат после седум години има три порази по ред, но има и малку светло во темниот тунел во кој влезе Србинот периодов.
Ѓоковиќ ни лани не се прослави во Индијан Велс, тогаш испадна во трето коло, сега во второ, па ќе загуби само 40 поени, што може да му донесе дури и напредок на АТП листата.
Во моментов Новак е седми и тоа е најлошото место на кое може биде на листата на 17-ти март откако ќе заврши турнирот во калифорниската пустина. Шанса да го поминат испуштија Каспер Руд и Андреј Рубљов кои истотака испаднаа рано.
Ѓоковиќ е петти на „во живо“ АТП листата, а шанса да го прескокнат имаат четворица тенисери, но најмногу двајца може да го сторат тоа, можеби ниту еден.
На Стефанос Циципас, Алекс Деминор и Данил Медведев им треба финале во Индијан Велс, а на Томи Пол му треба да ја освои титулата за да биде петти и пред Новак.
