Новак Ѓоковиќ има пад за едно место на најновата АТП-листа и покрај тоа што играше во финалето на Мастерсот во Париз, во кое загуби од тинејџерот Холгер Руне.
Српскиот ас бранеше 1.000 поени во Париз, не ги одбрани, па сега е дури осми на ранг-листата.
Прв е Карлос Алкараз пред Рафаел Надал, а трети е Стефанос Циципас, кој во Париз загуби од Ѓоковиќ, а пред Новак се и Каспер Руд, Данил Медведев, Феликс Оже Алијасим и Андреј Рубљов. Руне првпат во кариерата влезе во Топ 10.
Убедливо најдобро рангиран македонски тенисер е Калин Ивановски, кој имаше скок од над 100 места и сега е 635-ти, негов најдобар пласман во кариерата.
