Време е за полуфиналето на Вимблдон, каде што Новак Ѓоковиќ ќе игра против Лоренцо Мусети, а почетокот не се очекува пред 16:30 часот. Претходно, во 14:30 часот започнува дуелот меѓу Данил Медведев и Карлос Алкарас и исходот од нивниот натпревар ќе го одреди времето за стартот на полуфиналниот настап на Ѓоковиќ.
Новак продолжува да се подготвува на најдобар можен начин, поминувајќи време со своите деца. Не е тајна дека во оваа фаза од својата кариера тој најмногу сака да биде со своето семејство. Кога и да се укаже можност, децата патуваат со него на турнирите, така е и сега во Англија.
Стефан и Тара го сакаат тенисот, а Новак игра со нив и ги користи паузите во тренинзите за да помине време со семејството. Дури и на дел од тренинзите децата играат тенис со него. Тоа, како што тврдат медиумите на Островот, е „тајното оружје“ на српскиот тенисер во намерата да освои уште еден голем гранслем-трофеј.
„Ги сакам секој на посебен начин, тоа е немерлива и безусловна љубов, не може да се спореди со ништо. Посебно сум емотивен на Тара, се топам кога ќе ме прегрне, кога ќе каже или ќе направи нешто, а таа е мала манипулаторка, ме врти околу малиот прст, ха-ха“, вели Новак Ѓоковиќ за својата ќерка.
„Со Стефан е поинаку. Чувствувам дека мојата улога како татко е да го подготвам за животот, да биде одговорен маж, да се грижи за себе и за идното семејство, во тој однос има и цврстина. А Тара, што и да направи – јас скокам. Не ми е драго што не е премногу окупирана со тенисот, таа повеќе сака да разгледува сликовници. Но, со Стефан можам и тоа како и да зборувам за тенисот“, открива Новак Ѓоковиќ.
Србинот е на два чекори до уште еден трофеј и ќе стори сѐ за да го освои и годинешниот Вимблдон.
