Новак Ѓоковиќ уште еднаш покажа зошто е најдобриот тенисер во светот откако по многу борба, со 2:1 во сетови го победи Холгер Руне во првото коло на завршниот АТП мастерс турнир во Торино. Исцрпувачкиот меч траеше повеќе од три часа, а на крајот 36-годишниот Ѓоковиќ имаше повеќе сила и енергија од 16 години помладиот противник.
„Уште од првите неколку гема видов дека ова ќе биде многу тежок меч и дека ќе мора многу да се намачам за да победам. Победа е победа, а овојпат на теренот бев и многу емотивен затоа што знаев дека ако победам, ќе го обезбедам првото место на АТП-листата на крајот од годината. Многу ми значи ова, успеав. Сам на себе си наметнав притисок дека морам да победам на овој меч, иако имам уште два дуела од групната фаза во кои можев да ја бркам посакуваната победа. Сега што и да дојде во продолжение на овој турнир е бонус. Јас ја исполнив целта“, рече Ѓоковиќ по победата над Руне.
Ова беше 254 победа на Ѓоковиќ против тенисер кој е во Топ 10 на АТП-листата.
254 – Defeating Holger Rune in Turin, Novak Djokovic earned his 254th career win over opponents ranked in the ATP’s top 10. The rest of the qualifiers for this year’s ATP Finals have 188 such victories combined. Experience.#NittoATPFinals | @DjokerNole @atptour @ATPMediaInfo pic.twitter.com/PkicZHlLIB
— OptaAce (@OptaAce) November 12, 2023
