Многу контроверзи во светот на тенисот предизвика ситуацијата на Мастерсот во Синсинати, благодарение на која Британецот Џек Дрејпер го победи Канаѓанецот Феликс Оже-Алијасим.
Дрејпер стигна до победата во осминафиналето поради голема грешка на судиите. По еден скратен удар од Оже-Алијасим, Дрејпер тргна кон мрежата, топката удри во неговиот рекет, а потоа се одби од подлогата во противничкото поле.
THE MOST CONTROVERSIAL MATCH POINT EVER!!!
— Tennis TV (@TennisTV) August 17, 2024
WHAT JUST HAPPENED…? 😱#CincyTennis pic.twitter.com/cxU4H2A4Af
Меѓутоа, за судијата кој тоа не го забележа, немаше ништо спорно, а Дрејпер тврдеше дека и тој не го видел инцидентот. Сепак, Канаѓанецот го забележа и му пристапи на судијата, барајќи од него да го прегледа видеото. Според правилата, тоа не е дозволено, а судијата, а потоа и супервизорот повикан од Оже-Алијасим, стриктно се придржуваа до ригидните правила.
На оваа ситуација реагираше најдобриот тенисер на сите времиња, Новак Ѓоковиќ, кој повика на превенција на вакви грешки во иднина.
It’s embarrassing that we don’t have video replay of these kind of situations on the court. What’s even more ridiculous is that we don’t have the rule in place that would allow chair umpires to change the original call based on the video review that happens off the court!… https://t.co/MQsmqpTmXK
— Novak Djokovic (@DjokerNole) August 17, 2024
„Срамота е што немаме видео реприза за вакви ситуации на теренот. Уште посмешно е што немаме правило кое ќе им дозволи на судиите да ја променат првичната одлука врз основа на видео преглед што се случува надвор од теренот!“, напиша српскиот ас на Твитер.
Сопственикот на 24 гренслем титули истакна дека е неприфатливо сите да знаат што се случило освен самите играчи на теренот.
„Сите кои гледаат телевизија гледаат што се случило бидејќи имаат забавена снимка, а играчите на теренот се во „мрак“ и не го знаат исходот. Имаме „Око соклово“ за линиите, живееме во технолошки напреден 21 век! Ве молам, почитувани луѓе од ATП тур, погрижете се оваа глупост никогаш повеќе да не се повтори“, потенцираше Ѓоковиќ.
