Најдобриот тенисер на сите времиња, Новак Ѓоковиќ, ја започнува својата 413-та седмица на врвот на светската АТП-листа. Србинот по настапот на Отвореното првенство на Австралија се одмора и се подготвува за следните предизвици, а тоа е настапот на турнирите во Индијан Велс и Мајами. Ѓоковиќ во моментов е прв со 9.855 поени, но со оглед на тоа дека во март нема поени за бранење, лесно може да се случи да ја мине и границата од 10.000 поени.
Второпласиран останува шпанскиот тенисер Карлос Алкарас, кој има 9.105 поени и неговото заостанување зад Србинот сега само се зголеми.
Во топ-3 пласманот единствената промена е третата позиција на Јаник Синер со 8.270 поени, со што го мина Данил Медведев, кој сега е четвртопласиран, пред сè, поради тоа што не настапи на турнирот во Ротердам, каде што имаше 500 поени за бранење.
