Ѓоковиќ како брз воз, го израдува и Куевас – Уругваецот на 35 години конечно дочека меч со најдобриот на светот

Новак Ѓоковиќ лесно го прегази Тенис Сандгрен во три сета за малку повеќе од два часа игра на Ролан Гарос во Париз и се пласира во второто коло на познатиот гренслем што се игра на земјена подлога.

Првиот сет му припадна на првиот носител на турнирот за малку повеќе од половина час со резултат 6:2, а најголема битка имаше во следниот сет.

Ѓоковиќ направи брејк веднаш на стартот и потоа не дозволи изненадување и рибрејк, па со 6:4 го доби и вториот сет, по што спласна отпорот на Американецот.

Сандгрен повторно остана само на два гема и во третиот сет, исто како и во првиот, и се прости од настапот на турнирот.

Ѓоковиќ интересно ќе игра против Пабло Куевас во втората рунда на Ролан Гарос, а Уругваецот конечно на 35 години дочека првпат да му излезе на мегдан на најдбриот тенисер на светот во моментов.

Досега Новак не играл ниту еден меч на АТП-турнирите со 92-рорангираниот светски тенисер, па задутре ќе се случи сефте дуел меѓу него и Куевас.

 

ПОВРЗАНИ ВЕСТИ

- Оглас -

Најнови вести