Новак Ѓоковиќ и Јакуб Меншик треба да играат во финалето на АТП турнирот во Мајами, а Србинот, но и целиот спортски свет е во очекување на неговиот 100-ти трофеј во кариерата.
Сепак, иако мечот требаше да започне во 21 часот, се уште се чека на големото финале, а проблем прави силниот дожд кој врне во Мајами. Според најавите мечот нема да започне пред 23 часот по македонско време, а нема да биде изненадување доколку тоа се случи и доцна после полноќ.
Кога ќе прекине дождот, први на теренот ќе истрчаат русинките Андреева и Шнајдери, кои играат во финалето во женски двојки против Букса од Шпанија и Като од Јапонија. Ова финале беше прекинато после само 13 минути игра и водство на руските тенисерки од 3-0 во првиот сет.
Најавите од Мајами велат дека дождот ќе прекине, но повторно ќе продолжи после кратка пауза, па мечот на Ѓоковиќ и Меншик е под голем знак прашалник кога би се одиграл.
