По повеќе од пет часа борба, Рафаел Надал го победи Данил Медведев и ја освои титулата на Гренд слем турнирот во Мелбурн. За Надал ова е само втор трофеј на на Австралија опен, но има огромно значење бидејќи е рекордна 21-ва титула на Гренд слем турнирите.
Шпанецот сега има една титула повеќе од Новак Ѓоковиќ и Роџер Федерер. Швајцарецот речиси сигурно дека веќе нема да биде при врвот на светскиот тенис, а Ѓоковиќ во Мелбурн не доби шанса да го брани тронот, откако беше депортиран затоа што не е вакциниран.
И покрај сите проблеми што Новак ги имаше и недозволувањето да игра во Мелбурн, Србинот џентлменски му честиташе на Надал за трофејот и потенцираше дека борбениот дух бил пресуден за тоа кој ќе победи.
„Оваа година се играше одличен тенис на Австралија опен, а финалето беше посебно. Честитам на Барти за неверојатниот настап пред домашната публика, на Колинс за неверојатниот турнир што го одигра. Честитки и за Надал за 21. Гренд слем титула. Неверојатно постигнување. Секогаш импресивната борбеност и овојпат го реши победникот. Медведев даде се од себе и играше одучно, како што може да се очекува од него“, порача Ѓоковиќ преку социјалните мрежи.
