Новак Ѓоковиќ се пласира во третото коло на Мастерсот во Монте Карло откако за само 69 минути игра го совлада рускиот тенисер Роман Сафиулин.
Ѓоковиќ славеше со убедливи 6:1,6:2, а за тоа колку беше доминантен најдобро покажува податокот дека само еднаш на свој сервис загуби два поени, а имаше дури 19 брејк топки, од кои реализира пет.
Ѓоковиќ во првиот сет трипати го одзеде сервисот на Сафиулин, а во вториот двапати за лесна победа.
Интересно е што Роман Сафиулин има пораз и од македонски тенисер, Томислав Јотовски. Јотовски славел во 2016 година на турнирот во Хамамет, Тунис.
Следен противник на Ѓоковиќ ќе биде подобриот од дуелот меѓу Филс и Мусети.
Пласман во третото коло обезбедија Алекс де Минор кој во два сета го победи Вавринка, како и Хуберт Хуркач кој со 2-1 во сетови беше подобар од Дрејпер.
