Српскиот тенисер Новак Ѓоковиќ (37) во интервју за „Бизнис Травел САД“ истакна дека верува во враќање на врвот, таму каде што е навикнат да биде освојувајќи титули кои му го донесоа статусот најдобар во светот.
Сепак, ни Ѓоковиќ не може да го сопре биолошкиот часовник што отчукува во секој од нас, иако со години вредно работеше и внимаваше за да биде во совршена физичка форма.
„Поголемиот дел од животот го поминав играјќи тенис, уште од мали нозе. Ја вложив целата моја ментална, физичка и емоционална сила во овој спорт и морам да признам, се исплатеше. Моментно ми е предизвик да играм на нивото на кое бев на врвот. Но тоа не значи дека никогаш повеќе нема да бидам на тоа ниво“, изјави Ѓоковиќ, кој зрачи со оптимизам.
🎾 Cover Reveal – Novak Djokovic 🎾
— Business Traveler (@BizTraveler_USA) May 1, 2025
Tennis legend @DjokerNole has conquered the sport, solidifying himself as one of the greatest athletes of all time. He shares exclusively with Business Traveler USA his moves off the court.https://t.co/mLXD3YfbSp pic.twitter.com/mgBgnzqPH1
Шанса за својата 25-та гренслем-титула ќе ја има од 25-ти мај до 8-ми јуни кога се игра Ролан Гарос.
„Тенисот е спорт во кој мораш да имаш победнички менталитет. Никогаш не смееш да бидеш целосно задоволен, бидејќи ако бидеш, тогаш е време да го оставиш рекетот. Сепак, не се чувствувам како да ми е доста“, порача Ѓоковиќ.
Ѓоковиќ нема АТП титула уште од 2023 година, моментно е петтопласиран тенисер на светската ранг-листа, а многумина сметаат дека постои веројатност да не ја освои 25-тата гренслем-титула до крајот на кариерата.
