Роберто Карбалјес Баена ја имаше таа несреќа при ждрепката во првото коло да мора да игра против Новак Ѓоковиќ, кој по ланските случувања, годинава е екстра мотивиран по рекорден десетти пат во кариерата да го освои Отвореното првенство на Австралија.
Србинот го совлада Шпанецот со 6-3, 6-4, 6-0, а со овации беше и примен и испратен од публиката, во која имаше и многу негови сонародници. За 35-годишниот Ѓоковиќ ова е 35-та победа по ред во Мелбурн.
Во второто коло, Ѓоковиќ треба да игра со Куако од Франција или Делиен од Боливија, тенисери кои не се меѓу првите 100 на АТП-листата.
https://twitter.com/i/status/1615312509044400129
