Откако беше слободен во првото коло, Новак Ѓоковиќ славеше во второто коло на Индијан Велс против Полјакот Камил Мајхшак со 2:1 во сетови. Почетокот на мечот воопшто не беше според планот на Ѓоковиќ. Противникот уште во првиот гем му направи брејк и потоа до крајот успешно ја сочува таа предност за да го добие првиот сет со 6:4. Едноставно Ѓоковиќ воопшто не очекуваше дека ќе има таков почеток на Индијан Велс, но за негова среќа, брзо се врати во ритам.
Српскиот тенисер во вториот сет покажа моќ и класа, па противнокот едноставно не можеше да го следи неговиот ритам. Ѓоковиќ го доби вториот сет со убедливи 6:1. Во третиот сет при резултат 2:2 во гемови, по голема борба Ѓоковиќ успеа да направи брејк и едноставно да го скрши отпорот на противникот. По тој освоен гем, Ѓоковиќ издоминира до крајот и го доби сетот со 6:2, што значеше и крај за 57-мо рангираниот тенисер на АТП листата.
„Беше доста предизвикувачки, како и секогаш во Индијан Велс. Чекав долго време за да ја пронајдам мојата најдобра игра. Камил играше одлично, тој е солиден играч. Можеби нема моќ во своите удари, но ги игра по правила. Одигра одличен прв сет, а јас се прегрупирав во вториот. Публиката беше одлична“, рече Ѓоковиќ по мечот.
Без проблеми во следната рунда продолжија и фаворитите Карлос Алкарас, Јаник Синер, Фриц, Бублик, Медведев, Нори и Де Минаур.
