Новак Ѓоковиќ во интервју за италијански медиум рече дека сака синот Стефан и ќерката Тара да ги крштева во црква на Косово.
„Сакам со сопругата да се вратам на Косово и таму да ги крстиме децата. Стефан има 8 години, Тара пет. Знам дека тоа е деликатно прашање, судирот уште е присутен, иако не е вооружен, но има тензии. Не сакам да влегувам во политика, но за секој Србин, Косово е во срцето, таму е центарот на нашата култура, идентитет, традиција и вера“, раскажа Ѓоковиќ за „Кориере“.
Таткото на Новак е роден во Митровица на Косово.
Министерот за култура, млади и спорт на Косово, Хајрула Чеку, имаше реакција на ваквата изјава на тениската мегаѕвезда.
„Нема вакцина, нема влез“, напиша Чеку.
