Најдобриот српски тенисер, Новак Ѓоковиќ како прв носител на „Србија Опен“ се пласираше во полуфиналето. Тој по речиси два ипол часовна битка славеше над Миомир Кецмановиќ со 2:1 во сетови, односно 4:6, 6:3, 6:3 во гејмови.
Новак како и против Ласло Ѓере имаше неуверлив почеток и го загуби првиот сет, но и на стартот од вториот му дозволи брејк на противникот. Сепак, како што и се очекува од него, полека ја крена играта и ги презеде работите во своја контрола.
Во полуфиналето на АТП турнирот во Белград ќе го сочека подобриот од мечот меѓу Карен Хачанов и Тијаго Монтеиро кој ќе стартува за нешто помалку од 15 минути.
