Новак Ѓоковиќ се пласираше во полуфиналето на АТП турнирот 250 во Женева. Најдобриот тенисер во светот прв пат игра на овој турнир, а денеска потешко од очекувањата го победи Талон Грикспор.
Во првиот сет се играше рамноправно, а холандскиот тенисер имаше водство од 5:4 и на сервис на Ѓоковиќ имаше четири сет топки, но Новак успеа да ги спаси, стигна до 5:5, а потоа го доби сетот со 7:5 за 52 минути игра.
По освоениот прв сет, Ѓоковиќ го засили ритамот и во вториот сет по брза постапка, по само 26 минути игра со 6:1 стигна до 2:0 и пласманот во полуфиналето на турнирот. Следен ривал на најдобриот тенисер во светот е Томаш Махач.
