Најдобриот светски тенисер на сите времиња, Новак Ѓоковиќ, имаше очекувано успешен старт на УС опен, победувајќи го Молдавецот Раду Албот со 3-0 во сетови. Но, затоа во Њујорк донесе одлука која изненади многумина.
Српскиот тенисер го откажал настапот на два големи турнири до крајот на годината. Тој нема да учествува на турнирите во Пекинг и во Токио. Претходно, објави дека нема да игра и на турнирот во Белград пред домашната публика.
Оваа одлука на Ѓоковиќ делува изненадувачки, со оглед дека тој досега секогаш потенцирал дека има голема желба да игра во Кина и во Јапонија. Турнирот во Пекинг го има освојувано дури шестпати во кариерата.
