Новак Ѓоковиќ денеска ја започна 420-тата недела како најдобар тенисер според ранг-листата на АТП. Србинот, кому како најнов предизвик му е мастерсот во Монте Карло, на врвот на листата е со 9.725 поени. На следниот турнир во Монте Карло, Ѓоковиќ ќе брани само 90 поени затоа што минатата сезона испадна во третото коло.
Од денеска второто место на АТП-листата е за Јаник Синер. Младиот италијански тенисер има 8.710 бодови, а трет е Карлос Алкарас со 8.645 поени. Шпанецот лани не играше во Монте Карло и сега атакува на 1.000 поени.
Ѓоковиќ со останувањето на врвот на АТП-листата сруши уште еден рекорд. Српскиот тенисер сега е најстариот тенисер кој бил на врвот на АТП-листата, надминувајќи го рекордот на Роџер Федерер. Популарниот Ноле денеска има 36 години и 322 дена и со тоа е најстар тенисер кој бил на врвот на АТП-листата.
HISTORIC❗
🇷🇸 @DjokerNole has broken the record for oldest player to be ranked #1 in ATP rankings history, at 36 years and 321 days young as of today. 💥🎉👏
Djokovic surpasses Federer’s previous record of 36 years and 320 days when he last held the top ranking in 2018:
— TENNIS (@Tennis) April 7, 2024
