Новак Ѓоковиќ е подготвен и го очекува дуелот од осминафиналето против Гаел Монфис, а мечот може и да не се одигра. Причина за тоа е што францускиот тенисер има повреда и размислува да го предаде мечот без вооопшто да се појави на теренот.
Монфис вчера го победи сонародникот Адријан Манаринo со 2:1 во сетови, во меч кој траеше речиси два и пол часа. По завршување на дуелот, Монфис се пожали на повреда.
„Морам да одам на рендген и да видам што е со моето тело, како ќе реагира. Кога сум 100 отсто подготвен, не можам да го победам Новак, а ако не сум целосно подготвен, тогаш воопшто ќе немам никакви шанси. Ќе размислам и ќе донесам одлука“, рече Монфис по синоќешната победа.
Ѓоковиќ и Монфис досега играле 17 пати на сите турнири и во сите 17 меча Србинот бил победник. Нивниот 18-ти дуел треба да биде денеска во 14 часот, но останува неизвесно дали Французинот ќе биде подготвен да се соочи со најдобриот тенисер во светот.
