Новак Ѓоковиќ го играше првиот тениски меч на АТП-турнир по пауза од речиси три месеци и лесно го победи Пабло Андухар со 6:0, 6:3 во Тел Авив, Израел.
Првиот сет траеше само 29 минути и еден од најдобрите играчи на светот го доби многу лесно со 6:0, само со 13 загубени поени.
Ова е вторпат по ред Ѓоковиќ да добива прв сет со 6:0 против Андухар, а во трите меѓусебни дуели досега билансот против Шпанецот му е 6:1, 6:0, 6:0 во првиот сет на трите меча.
Андухар се разбуди во вториот сет и одигра многу подобро, а откако Ѓоковиќ поведе со 1:0, се играше и најдолгиот гем на мечот.
https://twitter.com/TennisTV/status/1575547492300689427?s=20&t=CzY6vLQQ1RkPSX7VnI6yBQ
По пет спасени брејк топки, Андухар ја искористи дури осмата гем топка и израмни на 1:1 во вториот сет по цели 22 минути игра само во тој гем.
„Андухар одигра добро во вториот сет, а вториот гем веројатно е и најдолгиот во мојата кариера. Не паметам да сум играл толку долго еден ист гем“, рече Ѓоковиќ.
Incredible.
Pablo Andujar saves five break points and converts his EIGHT game point to avoid the double bagel against Novak Djokovic. In a 25 minutes (!) game.
6-0, 1-1.
— José Morgado (@josemorgado) September 29, 2022
Сепак, до крајот Србинот ја потврди класата и го доби и вториот сет со 6:3 за конечна победа од 2:0 по еден час и 27 минути игра.
Во четвртфиналето Ѓоковиќ ќе игра против Вацек Поспишил.
