Женскиот фудбал ќе биде во фокусот во следниот период, затоа што од 20 јули до 20 август ќе се игра Светското првенство во Австралија и Нов Зеланд. Една од најсилните селекции е Јужна Кореја.
Во пријателски меч против Хаити, Јужна Кореја победи со 2:1, а во центарот на вниманието беше Јанг Сеи-Џи. Оваа фудбалерка го постигна победничкиот гол во 81 минута и тоа на фантастичен начин.
Таа прифати една топка и од 30-тина метри шутираше, а топката заврши во аголот, каде што сигурно немаше да може да одбрани и врвен голман.
