Голден стејт вориорс го победи Лос Анџелес лејкерс со 121-106 и намали на 2-3 во нивното западно полуфинале, а за шести меч на гостински терен се избори и Њујорк никс против Мајами хит откако доцна синоќа тимот од Големото јаболко победи со 112-103 и намали на 2-3 во ова полуфинале на Истокот од НБА-лигата.
Актуелниот првак предводен од Кари, Вигинс и Грин излезе на крај со Езерџиите, а дополнителен проблем за тимот од Ел Еј беше што во средина на последната четвртина се повреди Ентони Дејвис и центарот во инвалидска количка беше однесен во соблекувална. Станува збор за повреда на окото, но не е исклучено Веѓата да заигра уште на шестиот меч.
Џејлен Брансон со 38 поени беше лидер на Никс во триумфот над Жешките од Мајами, па серијата пак се враќа на Флорида.
НБА-лигата ги објави најдобрите три петорки за сезонава. Во првата се Шаи Гилџиус-Александер, Лука Дончиќ, Џејсон Тејтум, Јанис Адетокумбо и Џоел Ембид. Никола Јокиќ е во втората најдобра петорка заедно со Донован Мичел, Стеф Кари, Џими Батлер и Џејлен Браун. Третата петорка ја сочинуваат Дарон Фокс, Демиен Лилард, Џулиус Рендл, Леброн Џејмс и Домантас Сабонис.
Ова е акцијата во која се повреди Дејвис:
AD will NOT return after getting hit in the face by Kevon Looney. pic.twitter.com/IIAMDR45GP
— Bleacher Report (@BleacherReport) May 11, 2023
