Голден стејт вориорс се радуваа во најнеизвесниот меч одигран ноќеска во НБА-лигата. Воините славеа против Торонто со 106:105, во меч на кој ќе беше греота да не победеа. Домаќините од стартот поведоа со 10:1 и во текот на целиот меч имаа предност.
На почетокот на последната четвртина домаќините водеа и со17 разлика (89:72), но Торонто тогаш се разигра и полека почна да ја топи негативата. Рептилите првпат на мечот поведоа со 98:97 и тоа беше знак за неизвесна завршница. Во последните 20 секунди гостите водеа со 105:104, а Ли беше фаулиран во последниот напад на домаќините и со две слободни фрлања повторно му донесе водство на Голден стејт на 4 секунди до крајот. Торонто имаше напад за победа, но гостите промашија.
WHAT A FINISH in San Francisco:
▪️ @Raptors come back from 17 down
▪️ Back-and-forth in the final minutes
▪️ CLUTCH free throws from @Dami0nLee
▪️ @warriors get the game-winning stop! pic.twitter.com/bpmKefpsNy— NBA (@NBA) January 11, 2021
Актуелниот првак Лос Анџелес лејкерс лесно со 120:102 го победиј Хјустон, а во останатите мечеви кои се играа ноќеска: Бруклин – Оклахома 116:129, Њујорк – Денвер 89:114, Минесота – Сан Антонио 96:88.
