Голем гест на Ловрен, го нуди својот хотел за граѓаните кои останаа без дом во земјотресот

Дефанзивецот на Зенит, Дејан Ловрен, го понуди својот хотел на островот Паг како место во кое 16 најзагрозени семејства од земјотресот во Петриња би можеле привремено да се преселат и да имаат кров над глава.

Земјотресот од 6,2 степени по Ристеровата скала ја погоди Хрватска, а најмногу настрада градот Петриња, кој беше во близина на епицентарот. Многу спортисти се јавија со поддршка, а Ловрен презеде и конкретен чекор. Тој на „Инстаграм“ напиша дека на 16 најзагрозени семејства им го става на располагање хотелот во Новаља и предност имаат фамилии со деца.

Веднаш по веста за земјотресот во која има и најмалку седуммина загинати, Ловрен побара од хрватските власти веднаш да ги укинат пропусниците за движење од една во друга жупанија.

И Матео Ковачиќ понуди помош преку својата фондација.

- Оглас -

Најнови вести