Фудбалерот за врска на Астон вила, Јури Тилеманс, поради повреда ќе биде надвор од терените околу десет недели, објави „Би-би-си“.
Дваесет и осумгодишниот Белгиец заработи повреда на глуждот во победата од 2-0 против Њукасл во неделата, а лекарските прегледи покажале дека е малку веројатно да се врати во игра пред април.
Ова е последниот проблем со повреди за играчите во средниот ред за тимот на Унаи Емери, откако Џон Мекин остана надвор од тимот за два месеца, а минатата недела беше потврдено дека Бубакар Камара нема да игра до крајот на сезоната.
„Тилеманс ќе отсуствува меѓу осум и десет недели, Камара нема да игра оваа сезона, а Мекин ќе биде надвор од шест до осум недели. По овие вести ќе мора внимателно да го менаџираме средниот ред во преостанатите натпревари“, изјави Емери пред дуелот со Салцбург во Лигата на Европа.
Астон вила моментно се наоѓа на второто место во Лигата на Европа со 18 бода, еден зад лидерот Лион, и веќе обезбеди пласман во осминафиналето од натпреварувањето.
