Македонската репрезентативка Даниела Алексовска е нова европска шампионска во ММА, откако успеа да победи и во финалето на континенталниот собир во Белград. Алексовска во финалето славеше над светската вицешампионка, Анастасија Хородивска, од Украина.
Титулата ја освои уште во првата минута, за нешто помалку од една минута од почетокот на борбата со зафат наречен „триаголник“. Златниот медал на Алексовска е прва европска титула во ММА за Македонија во женска конкуренција.
