Голема трагедија се случи во Германија, а настрада 16-годишниот хрватски фудбалски репрезентативец Лука Лучиќ. Момчето возело велосипед во Остфилдерн, место во Баден Виртемберг, кога на него налетал воз.
Играчот на Штутгарт кикерс имал тешки и животозагрозувачки повреди, а бил пренесен веднаш со хеликоптер во болница, но, за жал, таму и починал.
Трагедијата се случила на обележан железнички премин, а според досегашните информации од истрагата, Лучиќ не го забележал возот што доаѓал од спротивната страна.
Лука имаше одиграно три натпревари за Хрватска во младинските категории.