Сент Паули со победата од 3-1 над Оснабрик, изби на прво место во Цвајта и обезбеди учество во германската Бундеслига за следната сезона.
Со клубот од Хамбург, во Бундеслигата влегува и Холштајн Кил, тоа се два клуба од северот на Германија, додека третопласираната Фортуна од Диселдорф, ќе треба да игра бараж.
Денеска во пеколна атмосфера, немаше како Сент Паули да не победи. Беа мотивирани и заедно со публиката која им беше 12-ти играч, доминираа на терен против последнопласираниот на табелата Оснабрик. По последниот судиски свиреж, навивачите на Кафеаво-белите влегоа на терен за да прослават.
Сент Паули се враќа во Бундеслигата после 13 години. Во 21-ви век, клубот само две сезони играше во германската елита и веднаш испаѓаше во првата сезона откако ќе влезеше во прволигашкото друштво.
Dia de Festa!!!! #fcsp pic.twitter.com/fpbofbwJRP
— HERMES FILETI (@FiletiHermes) May 12, 2024
