Македонскиот првак Струга Трим Лум доведе ново големо засилување во пресрет на новата сезона и настапите во квалификацитие за Лигата на шампиони. Нов фудбалер на стружани е Стефан Спировски, поранешниот македонски репрезентативец кој по седум години на интернационална сцена се враќа назад во македонскиот фудбал.
Спировски последен пат во македонски клуб беше во Вардар во периодот на големите успеси на Црвено-црните, а во Македонија играше и за Работнички и за Пелистер.
Тој има огромно интернационално искуство, доаѓа од кипарскиот Етникос Ахна, а играше и за МТК, Пјуник, АЕК Ларнака, Хапоел Тел Авив, Ференцварош, Берое, Борац Чачак.
