По 11 дена борба за својот живот, некогашниот турски голман Рушту Речбер ја доби битката против Коронавирусот. Рушту, кој има 46 години, денеска беше пуштен од болница.
Рушту од Ковид-19 беше заразен од жена му Ишил по нејзиното враќање од САД. Првите денови ексголманот на Фенербахче, Бешикташ и Барселона имал треска, бил заморен, го загубил апетитот, а имал и проблем со дишењето пропратено со постојана кашлица. Во болница беше поставен на респиратор и успеа да се излечи.
Легендарниот голман со 124 настапи е рекордер на турската репрезентација, со која освои бронзени медали на Светското првенство во 2002 и на Европското првенство во 2008 година.
