Томас Вацлик и Денис Матош ја продолжија голготата на голманите, кои не се во форма по долгата пауза, па и денеска имаше лоши и смешни реакции на чуварите на мрежата, овојпат на Севилја и на Жил Висенте.
Чехот Вацлик со несмасна реакција во финишот на мечот против Леванте го погоди својот стопер Диего Карлос, па со автоголот Севилја остана без победа на „Ла Нусија“ во Валенсија.
Киксот на Вацлик се случи во 87-мата минута, па иако потоа Чехот спаси чист гол, сепак е виновник што Севилја по петти пат по ред не го победи Леванте. Реакцијата на гостинскиот голман во ремито 1:1 можете да ја погледнете ОВДЕ.
Сличен кикс како Вацлик имаше и голманот на Жил Висенте, Денис Матош, а Бразилецот дури и пливаше во празно, па успеа само да го погоди соиграчот Родриго, кој ни крив, ни должен, си постигна автогол.
Благодарение на големата грешка на Матош, Жил Висенте претрпе пораз од Маритимо со 2:1, иако гостите можеа да израмнат на 2:2 во финишот. Во 85-тата минута Сандро Лима утна пенал и не успеа да го спаси својот тим од пораз и да ја коригира грешката на својот голман.
Лошата реакција на Матош и автоголот на Родриго погледнете го ОВДЕ.
