Фиорентина претрпе срамен пораз на гостувањето кај Басакшехир во второто коло од Конференциската лига, а голманот на Виолетовите, Пјерлуиџи Голини, посебно се посрамоти.
На 20 минути до крајот, турскиот тим имаше предност од 1:0, а тогаш следуваше несфатливиот потег на италијанскиот голман. Еден фудбалер на Фиорентина реши од 50-тина метри да ја врати топката на својот голман. Голини, кој не смееше да игра со раце, реши да покаже фудбалски способности и почна да жонглира.
Тоа го искористи играчот на домаќините, Гурлер, кој ја одзеде топката на голманот и лесно погоди во празната мрежа за предност на Басакшехир од 2:0, па уште тогаш беше јасно дека домаќините ќе се радуваат на победа.
Nice to see Gollini’s doing well for himself pic.twitter.com/3cvozFmkta
— Gus ™ (@GM_THFC) September 15, 2022
