Новиот тренер на Барселона, Роналд Куман, во текот на денешниот ден лично им се јавувал на фудбалерите кои за него се „отпишани“ и им порачал дека треба да си најдат нов клуб за една недела бидејќи на 31 август, кога Барса ќе почне со подготовки за следната сезона, и не сака тие да бидат со тимот.
Прв на којшто му се јавил Куман бил Луис Суарес, а потоа им се јавил и на Иван Ракитиќ, Артуро Видал и Самуел Умтити, на кои исто така им порачал дека слободно може да си одат бидејќи за нив ќе нема место на „Камп ноу“. Останува да се види дали истата судбина ќе ги снајде и Серхио Бускетс, Жарарт Пике и Жорди Алба, кај нив шансите се 50-50, но клубот прво ќе треба да се ослободи од неколкуте странци.
Интересна е ситуацијата со Филипе Кутињо. Куман му се јавил на Бразилецот кој беше позајмен во Баерн и му рекол дека сака да го има во тимот во Барса, но Кутињо преферира да оди на друго место, особено ако Меси остане во Каталонија.
