Македонскиот фудбалски прволигаш Гостивар доведе две нови засилувања од странство.
Нов играч на овој тим е Емануел Мбенде (28), дефанзивец кој некогаш играл за младинскиот тим на Бирмингем, но и за Катанија, Камбур, а бил играч и на Борусија Дортмунд во младите категории. Мбенде е Камерунец кој има германски пасош.
Второто засилување е во нападот. Се работи за Огузан Ајдоган (27), Германец од турско потекло. Тој во текот на кариерата бил член на Анкараспор, Карслруе, но и на младинскиот тим на Бешикташ.
