Манчестер сити и Реал Мадрид будно ја следат ситуацијата со играчот на Баерн Минхен, Алфонсо Дејвис, и се подготвени експресно да реагираат доколку фудбалерот се најде на трансфер-листата.
Преговорите меѓу канадскиот репрезентативец и Баерн Минхен за нов договор се прекинати, со што започнаа шпекулациите дека Дејвис ќе биде продаден идната година. Актуелниот договор на Дејвис со Баерн е до 2025 година.
„Тутомеркато“ пишува дека Сити е подготвен како дел од евентуалниот трансфер на Дејвис, на Баерн да му го понуди играчот со којшто преговараше изминатото лето, Кајл Вокер. Адутот на Реал Мадрид пак се добрите односи на претседателот Флорентино Перес со челниците на Баерн Минхен.
