Ракометниот суперлигаш ГРК Охрид денеска го официјализираше своето најново засилување за следната сезона, српскиот десен бек Предраг Вејин, кој пристигнува од грчкиот Олимпијакос.
Вејин не е непознато име во македонскиот ракомет, бидејќи во минатото го носеше дресот на Металург. Покрај тоа, има богато интернационално искуство, настапувајќи за клубови како Нексе, Висла Плоцк, Адемар Леон и други.
„Среќен сум што во следните две сезони ќе бидам дел од Охрид. Ова е нов предизвик за мене, но и враќање во Македонија, земја каде што ракометот е спорт број еден и каде што се чувствувам како дома“, изјави Вејин по потписот на договорот.
