Хаос се случувал по завршувањето на белградското дерби кое Црвена ѕвезда го доби со историски највисоки 4-0 на гостување кај најлутиот ривал.
Виден е прв хет-трик после дури 56 години, а тренерот на Црно-белите, Александар Станојевиќ, мина најлошо од револтот на фановите.
Најпрвин кон него беше фрлен топовски удар додека го напушташе теренот, и му беше ставено јасно до знаење дека бараат да си замине.
На прес-конференцијата, Станојевиќ се појави со видливи повреди на главата. Тој објасни дека настрадал од парчиња стакло кои летале низ соблекувалната откако биле демолирани стаклата од соблекувалната.
„Најмал проблем е да си заминам. Не сум некој кој бега од одговорност, но да сум се продал, на кого? Да беше 0-0 немаше да дојдам на прес-конференција, ама дека изгубивме 0-4 не сакам да излезе дека бегам и се кријам“, рече тренерот на Црно-белите.
