Од петте мечеви во Бундеслигата кои се играа попладнево, на четири имаше четири или повеќе голови, само дуелот Гројтер Фирт – Штутгарт заврши без голови.
Баер Леверкузен водеше, па губеше, на крај мораше да се задоволи со 2-2 дома против Унион Берлин. Фрајбург имаше предност од 2-0, но не ја победи Арминија која даде два гола во последните половина час.
Хофенхајм беше подобар од Аугсбург со 3-1. Кај гостите, дебитираше Рикардо Пепи, Американец роден 2003 година.
Лајпциг со 4-1 го надигра Мајнц, а ѕвезда беше Кристофер Нкунку кој влезе во игра во второто полувреме, но имаше гол и две асистенции.
