Поради непристојно однесување, група од 20-тина грчки навивачи морале предвреме да ги напуштат трибините на терените во „Мелбурн парк“. Инцидентот се случил на дуелот од женска конкуренција меѓу Гркинката Марија Сакари и Нао Хибино од Јапонија на теренот број 8.
Навивачите се однесувале непримерно за гледање тениски меч. Фрлале пластични чашки, навивале и кога не е дозволено тоа во тенисот, а дел од скандирањата биле на национална база потенцирајќи дека Македонија е Грција. По неколку предупредувања и опомени од страна на организаторот, полицијата и редарите биле принудени да исфрлат група од околу 20 грчки навивачи кои се однесувале непристојно.
https://twitter.com/i/status/1219871644790845440
Сакари по мечот застана во одбрана на навивачите велејќи дека скандирањето за Македонија било знак на искажување патриотизам.
„Дефинитивно е поинаку кога играм без нивната помош од трибините. Кога тие навиваат, се чувствувам посигурно и играм подобро“, рече Сакари.
Токму тие навивачи претходно беа и на трибините за да го бодрат Циципас, но Гркот без борба го победи Колшрајбер, кој го предаде мечот. Циципас потоа ги „искара“ навивачите дека треба да знаат да ги почитуваат тениските правила и како треба да се однесуваат навивачите на трибините.
A group of raucous Greek supporters have been ejected from the Australian Open before accusing officials of a “racist approach”.
FULL STORY: https://t.co/Oz0KszefWb pic.twitter.com/BDwAhatey5
— Herald Sun Sport (@heraldsunsport) January 22, 2020
