Селекцијата на Грузија обезбеди пласман во финалето на „патеката Ц“ од баражите за пласман на Европското првенство кое летово ќе се одржи во Германија.
Грузијците со 2:0 во Тбилиси го совладаа Луксембург и во вторник повторно ќе бидат домаќини во финалниот меч за пласман на ЕП против подобриот од дуелот меѓу Грција и Казахстан.
Грузијците беа подобар ривал и заслужено славеа со 2:0 иако играа без својот најдобар играч Хвича Кварецхелија, кој е суспендиран поради жолти картони. Кварецхелија сигурно ќе игра во финалето.
Во негово отсуство блесна Буду Зувзивадзе, кој ги постигна двата гола, првот гол го постигна во 41-вата минута, а конечниот резултат го постави во 64-тата минута.
