Квича Кваратшкелија остави одличен впечаток на двата меча што ги одигра за Грузија против Македонија, во Скопје беше и стрелец, но неговиот настап на клучниот меч задутре во Тбилиси од 18 часот е неизвесен.
Талентираниот 19-годишен играч за врска на рускиот Рубин Казањ веќе подолго време се мачи со повреди. Имаше проблем со глуждот, што според тврдењата од таборот на Рубин, е повреда од мечот против Македонија.
Во Скопје одигравме 1:1, а Кваратшкелија влезе во игра во 71-вата минута и само 180 секунди подоцна постигна прекрасен гол.
https://www.youtube.com/watch?v=IqzZlXiIZ04
Потоа паузираше еден меч и не играше за Рубин во руското првенство и само што ја санираше повредата на глуждот, има нов проблем со повреда на ‘рбетниот столб.
Грузијците се обидуваат да сокријат дека 19-годишниот екстра-талент има проблем и најавија дека ќе игра против Македонија во најважниот меч во историјата на двете селекции, што носи пласман на ЕП идната година.
