Иако сè уште не е официјално, сепак Чави ќе биде нов тренер на Барселона. Прашање е само на време кога сето тоа ќе биде и објавено, со што тој ќе се врати во тимот каде што ја мина речиси целата играчка кариера.
По тој повод, се огласи и некогашниот предводник на Барселона, Пеп Гвардиола кој има само пофални зборови за својот „ученик“.
„Чави има искуство и знаење како да ја води Барселона, секако ако тој стане тренер на овој клуб. За разлика од него, јас кога дојдов на клупата на Барса, немав искуство со предводење на сениорски тим.
Покрај искуството и знањето, Чави со страст ќе го води овој тим, нешто што е најважно во тренерската работа. Сепак, не снам што ќе се случи. Во моментов тимот има привремен тренер, кој е мој пријател и му посакувам многу среќа“ изјави Гвардиола.
Актуелниот предводник на Манчестер сити, во 2008 година ја започна својата тренерска авантура во првиот тим на Барса, каде што го замени Френк Рајкард.
