Актуелниот англиски првак Манчестер сити со 3:1 го победи Челзи во дербито на 23 коло на Премиер лигата. Со оваа победа, Сити повторно се врати во Топ 4 на табелата, а со тоа се врати и самодовербата кај фудбалерите.
Граѓаните покажаа дека знаат да победат иако имаат негатива и тоа по само три минути игра. Новото засилување на Сити, Абдукодир Хосанов за кого беа платени 40 милиони евра на Ленс, направи почетничка грешка кога сакаше со глава да ја додаде топката до својот голман, а играчите на Челзи го го искористија и дадоа гол за 1:0.
По мечот, тренерот на Сити, Пеп Гвардиола сакаше да го заштити новиот играч.
„Не му е лесно. Тренираше еднаш со нас и веднаш заигра со противник во чии редови се Палмер, Џексон, Мадуеке, Санчо… Кога купувате толку млад играч, потребно е време да се вклопи. Ќе научи. Овие акции се најдобри лекции за младите играчи кои може да ги добијат“, рече Гвардиола.
Тренерот на Сити не сакаше да одговори на прашањето дали размислувал да го замени Хосанов уште во петата минута, ако се знае дека до тој момент веќе киксираше и подари гол на противникот, а заработи и жолт картон. Проблем со овој играч е и комуникацијата бидејќи нема јазик на кои може да се разберат. Хосанов не разбира англиски.
„Ќе порам да научам руски или узбекистански за да можам да комуницирам со него. Тој не знае англиски“, откри Гвардиола, кој го замени Хосанов во 54 минута од мечот.
