Реал Мадрид на свој терен одигра само 1-1 против Валјадолид, тим кој низ историјата го има победувано 75 пати. Валјадолид цели 18 години редеше само пораз во Мадрид, и конечно дочекаа да освојат бод.
Головиоте паднаа во последните десетина минути. Карим Бензема даде убав гол за 1-0 во 82-ра, а шест минути подоцна, згреши Крос, а Серџи Гвардиола ја искористи нерешителноста на Куртоа и изедначи на 1-1.
За Французинот Бензема ова е втор гол сезонава, откако ја отвори гол-серијата и во првото коло против Селта. Тој стана 21-виот играч во историјата на шпанската лига со 150 гола.
Реал Мадрид никогаш не одиграл 0-0 на „Сантијаго Бернабеу“ со Зинедин Зидан како тренер, а Бензема не дозволи првпат после 13 години, Реал на првиот домашен меч во сезоната да одигра без голови.
Во почетниот тим на „кралевите“ ги немаше казнетиот Модриќ и повредениот Азар, па после повеќе од 800 дена, шанса да заигра во белиот дрес доби Хамес Родригес. И Мадрид и Валјадолид имаат по 4 бода од првите две кола.
Ова се головите:
https://www.youtube.com/watch?v=TCnizkjNVcs
https://www.youtube.com/watch?v=twBKo8KLF5Y
